|
Praia en forma rectilínea, de area branca e fina. Inmersa nun ámbito forestal e rural, con bosques que case tocan o mar e con numerosos campos de millo. Ten asociada unha pequena praia totalmente rodeada de rochas. Ventosa, con augas tranquilas. Zona de fondeo de embarcacións. Ideal para contemplar o Cabo de Udra, onde as ondas rompen contra as penas. Proposta para a integración na Rede Natura 2000. Incluída no Plan Especial de Protección Ambiental do Cabo de Udra.
|